Episode 9 | Øygarden kommune har inngått samarbeid med SafeChoice Clinic &amp; Research. Dette selskapet kan visa til svært gode resultat for personar med kroniske helseplager.- Sidan vi starta opp med dette har vi spart det offentlege og forsikringsselskapa for 100 millionar kroner, seier dagleg leiar Gerd Kvale som er professor i klinisk psykologi.Saman med indremedisinar Eirik Søfteland er ho invitert av kommunedirektør Johnny Breivik i episode ni i podkasten Rådhuset.Målet med dette digitalbaserte tiltaket er å skreddarsy eit opplegg med mål om auka funksjonsnivå og arbeidsdeltaking.

Nytt konsept gir uvanleg gode resultat

Episode 8 | Frå helga av vert trafikken lagt om ved Storavatnet for dei som reiser til og frå Askøy. Korleis slår dette ut for trafikken til og frå Øygarden?Kommunedirektør i Øygarden kommune, Johnny Breivik, har invitert prosjektleiar i Statens vegvesen, Lene Sælen Rivenes, som gjest i episode åtte i podkasten Rådhuset. Ho fortel både om omlegginga ved Storavatnet og gjev oss status for arbeidet med Sotrasambandet. Det viktigaste bidraget til god trafikkflyt, er færre personbilar på vegen.- Endringa gjeld ikkje for trafikken til og frå Øygarden. Men alle vil merka endringa, særleg i starten. Vi er avhengige av at bilistane viser omsyn til kollektivtrafikken. Gå inn på heimesida til Øygarden kommune og finn gode forslag til kva du kan gjera for å få god trafikkflyt, seier prosjektleiaren.

Legg om trafikken ved Storavatnet

Episode 6 | - Eg blei berørt av dei personlege historiene.Det seier forfattar av den ferske boka Krigens fargar, Vivian Midttveit. Ho er gjest i episode seks der kommunedirektør&nbsp;i Øygarden, inviterer gjester som har noko viktig å seia oss.I boka skildrar Midttveit enkelthistorier frå Telavågtragedien under andre verdskrigen. Ei heil bygd vart utsletta som ein hemnaksjon frå tyskarane. Vivian fortel om kvifor ho har skrive boka og gjev oss sterke historier frå ein tragedie som ramma eit heilt lokalsamfunn.

Sterke historier frå Telavågtragedien

Episode 5 |&nbsp;- Hald roen og sjekk røykvarslarane i heimen din og hos dei du er glad i! Det er eitt av råda frå kommunikasjonsleiar i Bergen brannvesen, Trine Sivertsen Sommerlade, og seksjonsleiar i Øygarden brann og redning, Leif Reithaug. Dei er på plass i Rådhuset der kommunedirektør Johnny Breivik i inviterer gjester som har noko viktig å seia oss.I denne episoden får du mange gode råd om bruk av julebelysning, levande lys og trygg og god nyttårsfeiring. Denne veka markerer brannvesenet røykvarslardagen.

Gode råd frå brannfolk før jul

Episode 4 | Silje Mæland er professor på Universitetet i Bergen og forskar mykje på sjukefråvær. Ho er gjest i episode fire i Rådhuset der kommunedirektør i Øygarden, Johnny Breivik, inviterer gjester som har noko viktig å seia oss.- Ta tidleg kontakt ved sjukefråvær og spør den sjukemeldte om kva vi kan gjera for deg, seier Mæland som samarbeider med Øygarden kommune i prosjektet Jobben gjer frisk.

Jobben gjer frisk

Episode 3 | I denne episoden har vi flytta mikrofonane til Øygardskonferansen på Panorama Hotell &amp; Resort 8. november. Overskrift for konferansen er Vidsyn, vilje og visjon.Vi snakkar med foredragshaldarar, deltakarar og arrangøren Vest Næringsråd. Blant gjestene er næringsminister Cecilie Myrseth (Ap) og partileiar i Høgre, Erna Solberg.I podkasten Rådhuset inviterer kommunedirektør Johnny Breivik gjester som har noko viktig å seia oss. Og denne gongen er det altså fleire gjester som har noko på hjarta.

Vi tar pulsen på Øygardskonferansen

Episode 2 | Reiselivsdirektør i Bergen, Anders Nyland, er gjest i episode to i Rådhuset der kommunedirektør i Øygarden, Johnny Breivik, inviterer gjester som har noko viktig å seia oss. - Eg har veldig stor tru på å merkevarebyggja kysten. Øygarden har lett tilgjengeleg natur med ein utruleg spennande historie, ikkje minst krigshistorie, seier Anders Nyland som meiner Øygarden har stort potensiale innan reiseliv.

Øygarden som reisemål

Episode 1 | Ordførar Tom Georg Indrevik får æra av å vera gjest i den første episoden av Rådhuset. Etter den offisielle opninga av podkasten, snakkar han om dei fem første åra for Øygarden kommune. - For meg har møtet med menneske vore det største som ordførar i desse åra. Møtet med innbyggjarane, dei tilsette og næringslivet har gjeve oss framtidsoptimisme, seier ordføraren i denne episoden.

Fem år med ny kommune. Kva no?

Kommunedirektør Johnny Breivik inviterer gjester med spennande bodskap.

Rådhuset kjem

Kommunaldirektør i Øygarden, Johnny Breivik, inviterer gjester som har noko viktig å seia oss.

Rådhuset

Follow