උතුරු තරුව | Uthuru Tharuwa

බැංකු ක්ෂේත්‍රයේ වසර 34ක පළපුරුද්ද සහිත NDB (ජාතික සංවර්ධන බැංකුව) හි අධ්‍යක්ෂ සහ ප්‍රධාන විධායක නිලධාරී දිමන්ත සෙනෙවිරත්න මෙවර ‘උතුරු තරුව’ වැඩසටහනට සහභාගී වුණා. වෘත්තිය ජීවිතයේ ඉහළටම යන්න සුදුසුකම් සපුරාගන්න ආකාරය සහ අත්දැකීම් තුළින් ජීවිතය වෙනස් මගකට ගන්න ආකාරය ගැන ඔහු කියූ කතාවයි මේ…

බිස්නස් එකක් ගැන අදහස් තියෙන දහස් ගණන් දෙනා අතරින් බිස්නස් එකක් පටන් ගන්නේ ඉතාම සුළු පිරිසක්. එයිනුත් සාර්ථක වෙන්නේ තවත් සුළු පිරිසක්. අතිසාර්ථක ව්‍යාපාරිකයෙක් වෙන්නේ ඊටත් වඩා අඩු පිරිසක්. ඉතින් ව්‍යවසායකයෙක් වෙන්න අදහසක් තියෙනවා නම්, ප්‍රායෝගික තලයේ සාර්ථක ව්‍යවසායකයෙකු වුණ Surge Global ආයතනයේ නිර්මාතෘ භානුක හරිස්චන්ද්‍ර සහභාගී වූ මේ වැඩසටහන අනිවාර්යෙන් බලන්න.

ලංකාව වගේ පුංචි රටක E-commerce යොදාගෙන ව්‍යාපාර ලෝකයේ පෙරළියක් කරන්න සමත් වුණ කප්රුක ආයතනයේ නිර්මාතෘ දුලිත් හේරත් සමග ෆහාඩ් ෆාරුක් සිදු කළ මේ කතාබහ ව්‍යවසායකයෙක් වෙන්න හීන දකින හැමෝටම ගොඩක් වැදගත්. ලංකාව වගේ රටක සාර්ථකව ව්‍යාපාරයක් කරන්න පුළුවන් ඇයි, තනියම ව්‍යාපාරයක් පටන් ගන්න බැරි අය මොකද කරන්න ඕන වගේ ව්‍යවසායකයෙකුට වැදගත් මාතෘකා ගොඩක් ගැන මේ වීඩියෝ එකෙන් ඔයාට දැනගන්න පුළුවන්.

අර්බුදකාරී වාතාවරණය නිසා වෙනත් රටකට යන එක ද හොඳම විසඳුම, Skill එකයි Passion එකයි ගළපගන්න නම් මොකක්ද කරන්න ඕන, රැකියාව කරන ආයතනයේ හර පද්ධතිය එක්ක තමන්ගේ හර පද්ධතිය ගැළපෙන්නේ නැත්නම් මොකක්ද කරන්න ඕන වගේ කාරණා ගැන අවුරුදු 130කට වඩා පැරණි බැංකුවක් වුණ ස්ටෑන්ඩර්ඩ් චාර්ටඩ් බැංකුවේ මෙරට ප්‍රධාන විධායක නිලධාරී බිඟුමාල් තෙවරාතන්ත්‍රි මහතාගෙන් දැනගනිමු.