Sparebank i bordet

Ei utforsking av særtrekk ved sparebankar i tid og rom. Kvifor byrja Morten og Lars Fredrik på kvart sitt vis å interessera seg for slike bankar? Kva særmerkjer sparebankanes sjel – og korleis artar sjelevandring i Sparebank-Noreg seg?

Noregs Bank har einerett på å slå mynt og utferda pengesetlar. Men kontantar i dag liknar på dueungar: Vi veit at dei finst, men vi ser dei aldri. For moderne pengar er fyrst og fremst kontopengar – som også blir produsert av sparebankane. Korleis fungerer sparebankane som digitale setelpresser? 

Med Sveinung Rotevatn, nestleiar i Venstre. Sparebankane vart oppretta for å driva med bankverksemd. Men så byrja dei smått om senn å gje gåver – eller samfunnsutbytte. Kor viktig er dette gåveinstituttet – både politisk og ideologisk?

Med Marie Sneve Martinussen, partileiar i Raudt. Alle bankar må gå med overskot. Men bankar er også eit fellesgode på line med elektrisitets- og vassforsyning – samfunnskritisk infrastruktur. Kva er samfunnsrolla til sparebankar i dag, ved sida av konvensjonell profittmaksimering?  

Ordet sparebank gjev assosiasjonar til både 1800-talet, omfattande strukturendringar – og teknologiske brukargrensesnitt. Morten og Lars Fredrik rundar av med spekulering om Alexander Hamilton, bitcoin, bankarkitektur og Ludwig Mies van der Rohe.