Krakkaheimskviður

Í þessum þætti Krakkaheimskviða fjöllum við um aðför að réttindum trans fólks. Hvers vegna er verið að banna trans konum að keppa í íþróttum og hver ræður hvaða klósett fólk má nota? Ingunn Lára Kristjánsdóttir og Ugla Stefanía Kristjönudóttir Jónsdóttir eru gestir þáttarins.

Í þessum þætti Krakkaheimskviða fjallar Karitas um átökin um Kasmír-héraðið.Hvað er að gerast milli Indlands og Pakistan og hver er saga þessara tveggja landa?

Í þessum þætti Krakkaheimskviða hitar Karitas upp fyrir komandi Eurovision-viku með aðstoð þeirra Gunnu Dísar, þular Eurovision þetta árið og Sigga Gunnars, útvarpsmanns og fyrrum kynni Söngvakeppninnar. Hvernig gengur hópnum úti og hvað er svona merkilegt við Eurovision?

Í þessum þætti Krakkaheimskviða rýnir Karitas í seinni heimsstyrjöldina, en í næstu viku eru 80 ár frá lokum stríðsins í Evrópu. Hvað var merkilegt við þetta stríð og hvað getum við lært af því? Vera Illugadóttir, dagskrárgerðarkona á Rás 1, er gestur þáttarins.

Í þessum þætti Krakkaheimskviða skoðar Karitas jarðskjálftana sem urðu í Mjanmar í lok mars og hverjar afleiðingar þeirra urðu. Gísli Rafn Ólafsson, framkvæmdarstjóri Rauða krossins á Íslandi gefur innsýn inn í björgunaraðgerðir og samstarf erlendra björgunarsveita við herforingjastjórnina í landinu.

Í þessum þætti Krakkaheimskviða skoðar Karitas hinn svokallaða súkkulaðiskort. Hvaða áhrif hefur hann á páskana og hvers vegna borðum við súkkulaðiegg á páskadag? Forstjóri Nóa Siríus, Sigríður Hrefna Hrafnkelsdóttir, útskýrir hvernig framleiðsla páskaeggja virkar og hvað er svona merkilegt við íslensk páskaegg. 

Í þessum þætti Krakkaheimskviða kafar Karitas ofan í stærstu fréttir vikunnar: Tolla Trump. Henni til aðstoðar eru fjármálaráðgjafinn Björn Berg Gunnarsson og fréttamaðurinn Birta Björnsdóttir. Hvað eru tollar, af hverju eru allir að tala um þá og hvaða áhrif hefur þetta nýjasta útspil Bandaríkjaforseta?

Í þessum þætti Krakkaheimskviða skoðar Karitas kosningar í fjórum löndum, Þýskalandi, Grænlandi, Kanada og Noregi, með aðstoð fréttamannanna Odds Þórðarsonar og Hallgríms Indriðasonar.

Í þessum þætti Krakkaheimskviða skoðar Karitas eftirnöfn. Af hverju eru Færeyingar í auknum mæli að breyta eftirnöfnum sínum og hvernig virka eftirnöfn almennt? Í þætti dagsins skoðum við mismunandi nafnahefðir milli landa og hvernig þær breytast í tímans rás.