Share

Voll ine - Der Sportpodcast
#158 - Eusi Bucketlist Part 1 (feat. Kai Schätzle)
En Folg mit Überraschigsgast, aber dezue spöter meh…Was gids bessers als en Sportverahstaltig z bsueche, wo mer scho lang uf de Bucket List gha hed? De Osci und ich hend gnau dass gmacht. Zwar im chopf aber mit glich viel Liedeschaft. Mir redet also nebe üsne Top 10 Sportverahstaltige auno über die fertig Qualifikation im Schwiizer Ishockey. Det erdahred ihr wie mier afangs Saison tippt hend. Üse Überraschigs Gast hüt isch de Kai Schätzle vude Schwiizer Ruedernati. Für alli Ruedernati Fans gids wiedermal en Iblick id Welt vum Schwizer Ruedersport, wos ja en neue Chef Trainier geh hed und s Team sich au starch gänderet hed. Als letzt gad au drum, öb mirs chöntet verantworte, d Velo WM imne Land wie Ruanda durezfüehre, wo en Kriegs Miliz unterstützt. Üsi meinig erfahrsch, wenn Voll Ine losisch! Let’s go.
More episodes
View all episodes
#172 - Voll Ine mit... Michi Vogt
01:07:53|Was hend Turne, Pilates, Golfe, Fische und Bobfahre gmeinsam? D'Antwort isch eifach: de Michi Vogt. De schwyzer Bobpilot ghört zu de Weltspitze ih sim Sport und isch 2022 nur knapp anere Olympiamedaille verbigrast.Ih de hüttige Folg redemer über sin Weg als Turner bi Wange bis ufs WM-Podest, über die härti Realität im Bobsport - vo Horrorstürz bis schwere Stürz - und wieso Füehrig im Bobteam meh bedütet als de Schlitte z'lenke. Natürlich gahts au um Technik, um de Mythos Dütschland-Vorsprung, um Lieblingsdisziplinen (2er oder 4er?) und ganz vieli wiiteri Sache. Du döffsch gspannt sie, will öppis chömmer dier verspreche: De Michi isch ned nur verdammt schnell im Bob sondern aus super schlagfertig am Mikrofon.Darum, wie immer, VOLL INE lose!#171 - Im Minefeld vom Frauefuessball
01:03:14|D'Jungs hend bewegti Wuche hinder sich. Während de eint mit de Ruedernati ihd Möst gaht, chauft sich de Ander es Rennvelo und lebt sini Quarterlife Crisis komplett us. Glichzitig macht d'Sportwelt ned halt und liefered eus ned ein, ned zwei sonder grad drü Grossahläss ufs Mal! Zerst muess es natürli um d'Womens Euro gah wo das Jahr ih de Schwiz ustreiht wird und segemers so, d'Jungs lehned sich mit kontroverse Meinige wiit usem Fenster...Witer gahts denn mit Wimbledon und de Frag: Alcaraz, Sinner oder doch wieder Djokovic? Und wie gsehts eigentlich bi de Fraue us? Z'letscht döff natürli au d'Tour de France ned fehle und d'Frag isch das Jahr ganz klar: Wer schlaht de Pogi?Du gsehsch, es gaht heiss zu und her. Darum, wie immer, VOLL INE lose!#170 - s'Pure Gegeteil vom Leo Genoni
01:02:54|Nach zwei Wuche Andrientzug isch de Osci au wieder im Studio und d'Jungs hend ganz viel zum Nahhole. Seigs de CL- und Nationsleaguefinal, Roland Garros, Tour de Suisse, Ruedere, Liechtathletik oder Ishockey. Die Wuche isch würkli für jede und jedi öppis debi. Darum, wie immer, VOLL INE lose!#169 - VOLL INE mit...Timon Wernas
01:04:06|Es stündigs Update us de Ruederwelt, de Planig fürd Lucerne Regatta (Weltcup Luzern) und no vieles meh. Dank em Timon wo hüt bi üs z Gast isch erfahrsch du, was die "revolutionäre" Neuerige im Ruedersport uf de Regatta Betrieb für Uswirkige hend. Zuedem gahts au drum, was die dasjährig Lucerne Regatta so speziell und neu macht. Die altbekannti Frag: Wie chammer de Ruedersport attraktiver mache?" isch au es Thema. Grundsätzlich en Podcast über de Sinn vunere Sportverastaltig und de Ruedersport. Viel Spass bim VOLL INE lose!#168 - Und wieder isch es Silber...
54:28|Es ghört leider au dezue…s Analysiere vu Niederlage. So gsche bide Schwizer Ishockey Nati. Mir vu Voll Ine sind natürlich au enttüscht aber chönt au scho paar positivi Sache usepicke. Wieso de Osci in Barca isch, besprächemer au. Eis chömmer verrate…natürlich ischer wäge öppis sportlichem det. Unteranderem redemer auno über de aktuelli Giro Stand, wo ja viel Spanning verspricht sowie wer i üsne Auge de Sieger in Rom sii chönt. Zum Schluss und wie versproche, s grosse Update us de Ruederwelt. Einersiits belüchtet mir d Schwiizer Delegation für d EM in Plovdiv. Aber es gahd au um die meh oder weniger revolutionäre Änderige, wo World Rowing beschlosse hed…zum alles usegfinde muesch VOLL INE lose! Priiis#167 - Im Westen Nichts Neues
01:03:37|Was hend die vier Sportereignis gmeinsam? De Wout van Aert gwünnt wieder mal es Renne, d Schwiizer Ishockey nati dominiert ide Vorrundi, de Max Verstappen gwünnt ide Formel 1 und de FCB isch Schwizermeister im Fuessall…zum das und no viel meh use zgfinde muesch VOLL INE lose!____________________DIE WICHTIGE LINKS:LAST MINUTE AHMELDIG FÜRS SPIKEBALLTURNIERCODE "volline20" uf KAEX.CH ihlöse!#166 - VOLL INE mit... Pedro Schmidt
47:28|Die Wuche isch mit em Pedro de Founder und CEO vo KAEX z‘Bsuech! Mier redet under anderem drüber wieso er während em Interview ufemene Rollstuehl hockt, sin Weg vom sichere Pharmajob ihd Startupwelt, wieso "ingnorance bliss isch", wie sie New York und LA wennd erobere, Partnerschafte mit Verein und Spitzesportler und vieles meh!Darum, wie immer, VOLL INE lose!#165 - VOLL INE mit... Jan van Berkel
01:16:48|De Jan van Berkel isch ned nur de vierfachi Sieger vom Ironman Switzerland sondern au en richtig geile Siech. Mier redet hüt ned nur über sini Karriere als Spitzesportler und jetzt als Coach, sondern au über Theme wie “was mache wenns Tüfeli uf de Schultere ahchlopft”, Scheidige wegem Ironman, wieso er 28 Avocados im Chüehlschrank hett und vieles meh!Grandiosi Unterhaltig isch garantiert! Darum, wie immer, VOLL INE lose!#164 - CHAT SHIT, GET BANGED
59:44|Die Wuche mit bitzli Verspötig, aber defür umso meh in Labberlune. D'Jungs redet hüt über d'Sperri vom Alex Wilson, de Meistertitel vom ZSC, Terror gege Schiris und vieles Meh! Chrütz und Quer durs Sportgschehe vo de Wuche. Darum, wie immer, VOLL INE lose!