සෙනසුරු අතුරුදහන් - Senasuru Athurudahan

ලංකාවේ බැංකු පද්ධතියේ ගුණාත්මක බව ගිලිහී යාමට හේතු, ආර්ථික අර්බුදය සමග ඉදිරිය මොන වගේ වෙයි ද යන මාතෘකා ඇතුළු බැංකු ක්ෂේත්‍රය සම්බන්ධ තවත් වැදගත් තොරතුරු රැසක් දැනගන්න මහජන බැංකුවේ සභාපති ජ්‍යේෂ්ඨ වරලත් ගණකාධිකාරී සුජීව රාජපක්ෂ සහභාගී වූ ‘සෙනසුරු අතුරුදහන්’ වැඩසටහන නරඹන්න.

තාරුණ්‍යයේ තීන්දු තීරණ ගැනීමේ සහ විශ්ලේෂණාත්මක හැකියාව දුර්වල ඇයි, ළමයෙක්ට ස්වාධීනව හැදෙන්න නොදීම තුළ සමාජයට වන බලපෑම, වැඩිහිටියන්ගේ මග පෙන්වීම සහ අධ්‍යාපන ක්‍රමය තරුණ, තරුණියන්ගේ ආකල්පවලට බලපාන ආකාරය ඇතුළු තරුණ පරපුර පිළිබඳ වෙනස්ම ආකාරයේ සාකච්ඡාවක් සිදු කරන්න කොළඹ තරුණ බෞද්ධ සංගමයේ සභාපති මහේන්ද්‍ර ජයසේකර මෙවර ‘සෙනසුරු අතුරුදහන්’ වැඩසටහනට සහභාගී වුණා. මේ තරුණ පරපුර ගැන ඔහු දැක්වූ අදහස්…

කෘත්‍රිම විඥානය (Artificial intelligence) නිසා කොළඹ පාසලක දරුවන්ටත්, ගමේ පාසලක දරුවන්ටත් එක වගේ ගුණාත්මක බවකින් අධ්‍යාපනය ලබා දෙන හැටි, අවම සේවක සංඛ්‍යාවකින් ආයතනවල වැඩ කටයුතු කෙරෙන හැටි වගේම කෘත්‍රිම විඥානයේ ධනාත්මක සහ සෘණාත්මක බලපෑම් ගැන වැඩි විස්තර දැනගන්න Dialog Axiata PLC හි දත්ත විශ්ලේෂණය සහ කෘත්‍රිම විඥානය පිළිබඳ ප්‍රධානී රොමේෂ් රණවන සහභාගී වූ මේ වැඩසටහන නරඹන්න.

ස්වාභාවික සම්පත් සහිත රටක් වුණ ලංකාවේ වත්මන් ආර්ථික තත්ත්වය, ණය ශ්‍රේණිගත කිරීම් අනුව ලංකාව අසතුටුදායක තත්ත්වයක තිබෙන හේතු සහ ආර්ථික ප්‍රතිපත්ති සම්පාදනයේදී සලකා බැලිය යුතු කරුණු ආදිය ගැන දැනුවත් වෙන්න Fitch Ratings Lanka Limited හි ජාතික ප්‍රධානී මනින්ද වික්‍රමසිංහ මහතා සහභාගී වුණ මෙම වැඩසටහන නරඹන්න.

හැමදාම ඉතිහාසය අලුත් කළේ වෙනස්ම විදියට හිතපු මිනිස්සු. සම්ප්‍රදායික අධ්‍යාපන ක්‍රමයක් ඇතුළෙ ඒකට කොටු නොවී, රාමුවෙන් පිට හිතන මිනිස්සු අලුත් දේවල් ලෝකෙට දුන්නා. Good Life X හි නිර්මාතෘ රන්දුලා ද සිල්වා මහත්මිය සමග නිර්මාල් ද සිල්වා කළ මේ වැඩසටහන ව්‍යවසායකයෙක් විදියට වෙනසක් කරන්න හිතන ඔයා අනිවාර්යෙන්ම බලන්න ඕන වැඩසටහනක්.

ජනතා බදු මුදලින් නඩත්තු වන රාජ්‍ය ව්‍යාපාර ප්‍රතිව්‍යුහගතකරණය කළොත් පාඩු පිට පාඩු ලබන එක නතර කරන්න පුළුවන් ද? ඒ ගැන වැඩිදුර දැනගන්න කොළඹ නැව් තටාකාංගණයේ හිටපු කළමනාකාර අධ්‍යක්ෂ සහ විධායක නිලධාරී මෙන්ම ශ්‍රී ලංකා ආයෝජන මණ්ඩලයේ හිටපු සභාපති මංගල යාපා සමග නිර්මාල් ද සිල්වා සිදු කළ මේ වැඩසටහන නරඹන්න.