Saxi og Sachsi

 Loksins ná Saxi og Sachsi að taka samtalið við alvöru saxófónhatara og þeir hitta nafnlausu goðsögnina á bak við saxófónsólóið í laginu Rio með Duran Duran.

Sachsi fær loksins að fjalla um hámenntaða lúxussaxófónleikara. Við sökkvum okkur í brjálaðar samsæriskenningar, kynnumst vafasamri fortíð Adolphe Sax og hinum hrokkinhærða, berfætta og vellyktandi konungi lyftutónlistarinnar.

Saxi og Sachsi kynna sér holskeflu sjálfmenntaðra saxófónleikara á níunda áratugnum og Sachsi rifjar upp hjartnæmar bernskuminningar.

Kynusli, kynþokki og kynjahalli. Saxi og Sachsi setja á sig kynjagleraugun og fá Dóru Wonder í heimsókn sem setur fram athyglisverða kenningu.

Saxi og Sachsi hitta svissneskan mann sem er ekki mikill saxófónaðdáandi. Einnig heimsækja þeir ungfrú eitís til að fræðast um íslenska glamúrlífið og kryfja helsta gimstein saxófóntónbókmennta níunda áratugarins: Careless whisper.

Saxi og Sachsi leggjast í rannsóknir á sjálfum sér og sögu poppsaxófónsins. Hvað gerði hann svona vinsælan á níunda áratugnum og hvernig er hægt að hata þetta dásamlega hljóðfæri?