Savage B [PREMIUM]

Lumuwas sila Rose at Ethan papuntang Batangas para sa kasal ni Gio, pero habang todo ang kilig sa kasalan, mas todo ang abala sa tiyan ni Rose — kabuwanan na niya! Mula road trip, chikahan with new friends, hanggang sa biglang “Aray!” at panganganak, rollercoaster ang episode na ’to! Sa dulo, may bagong Villaver na dumating — si baby Nathaniel! Pero teka, Tibursio ba talaga dapat pangalan niya?

Biglaan ang pag-uwi ni Ethan sa Davao—dahil lang sa selos? Matapos niyang sibakin si Gerald, sunod-sunod ang tensyon sa mansion. Pero sa gitna ng drama at ulan, may balitang bumago ng lahat: buntis si Rose! Habang kinikilig si Ethan, may isa pang love story na tila muling nabubuhay... o muling mag-aaway?

Sa kabila ng pangamba, pinili ni Rose na tumindig at ipaglaban ang sarili—kahit pa kapalit nito ang mas matinding panganib. Habang si Bea ay halos mawalan na ng pag-asa, isang rebelasyon ang magpapagulo lalo sa lahat. Samantala, papalapit na sina Ethan at Alonzo… pero sapat ba ang lakas nila para harapin ang armadong kalaban? Habang may umiibig, may nananamantala. At habang may umaasa, may nagpaplano ng pagwasak. Mapapalaya pa ba nila ang mga bihag—o may mas masaklap pang mangyayari?

Biglang nagbago ang takbo ng lahat nang muling sumulpot si Klarisse—kasama ang mga armadong lalaki at ang misteryosong Kent. Sa isang iglap, nadukot sina Rose at Bea. Sa loob ng isang madilim na silid, wala silang kasangga kundi isa’t isa. Sa gitna ng panggigipit, pagpapahirap, at pagbabanta, may plano na silang binubuo. Pero makakatakas ba sila? O huli na ang lahat? Samantala, galit at desperado na sina Ethan at Alonzo… sapat ba ang pera para mailigtas ang mga babaeng mahal nila?

Nagtagpo si Rose at Georgette sa halamanan—parehong may tinataguan. Pero ang kasunod na pagsulpot ni Ethan at Tristan, nagbukas ng mga tanong, awkwardness, at… basket ng saging?! Sa isang tagong villa, naganap ang mainit na gabi nina Rose at Ethan. Pero habang sila’y nagpapahinga, may panganib nang dumarating. Isang grupo ng armadong lalaki ang pumasok sa resort… at may misteryosong boses sa likod ni Rose. Sino siya? At ligtas pa ba sila?

Matapos ang kasal, biglaang pagsabog ng katotohanan ang yumanig sa mundo nina Rose at Ethan. May kinalaman nga ba si Ethan sa pagkamatay ng ama ni Rose? At sa gitna ng matinding komprontasyon, isang mas masakit na pangyayari ang dumating—isang buhay ang nawala. Sa gitna ng galit, luhang di mapigil, at pusong sugatan… may pag-asa pa bang muling mabuo ang tiwala?

Masaya ang kasal nina Ethan at Rose—lahat ay perpekto, parang fairytale. Pero sa ilalim ng ngiti ni Rose, may bumabagabag pa rin sa puso niya. Sa gabi ng kasalan, isang lasing na usapan ang maglalantad ng sikreto. Narinig ni Rose ang hindi niya inaasahang katotohanan. Ano ang uunahin niya—ang panata o ang sakit ng nakaraan?