Mu Bihiiza Bya'Bafuliiru

Mu kihiiza IMIGEZA YE KIFULIIRU siku 29/04/2022. Tuyuvwirize ibimudetwa mu bihiiza bya'Bafuliiru mu Kifuliiru mu Kihiiza IMIGEZA YE KIFULIIRU. Mu guno muganulo ugwaba ku luno lusiku lwa'katanu, ibyadetwa biliri bingi bweneene. Umundu umuhamagalwa Nabulizi abuuza higulu lyo'mushosi uwangahyana nina wage umuto ku kyanya yoshe atagweti abakazi babiri, Yehe anashererage anasige umukazi muto, mugala wage anamuhyanage. Abana abashuba mumuhamagala kwo aliri mukulu wabo nabo baliri balumula bage bagakizimuhamagala kuti?Shokulu Masikosiko Ruseke agwajika no'kushuvya uwabuuza ikibuuzo higulu lyo'kugenda ibwami. Zino siku bagweti bagakola ibiringi no kuyikumania higulu bagende ibwami bagendi ganuula higulu lye'migeeza ye'Kifuliiru higulu bayiji yigwana kwo mu bagingi be'Kifuliiru imigeeza ikola mugwatibwa no kukolesibwa kwingi.Shukulu Masikosiko Ruseke anashubi ganula ibindu bingi bweneene higulu lyo'kudeta kwo tuyandike imigeeza ye'Kifuliiru higulu lyo'kudeta kwo abana bitu hoshi bangaba baliri; kiri na ngisi abaliri imahanga bakizi gisoma, Uno shokulu adeta ibindu bingi bweneene mukuyerekana kwo tubanini tuyandike ibindu ibiloziri Umufuliiru. Alindi nadeta kwo Igambo lya'Rurema tuyiji tweshi nga Bibiliya, likayiji yandikwa ku kyanya kya Musa. Uno Shokulu agweti bingi byagakitutabaala kwo higulu tukukolere indeto yitu Kifuliiru.

Mu kihiiza IMIGEZA YE KIFULIIRU siku 22/04/2022. Tuyuvwirize ibimudetwa mu bihiiza bya'Bafuliiru mu Kifuliiru mu Kihiiza IMIGEZA YE KIFULIIRU, Tuyegerere benewitu tuyuvwirize ibikadetwa na'bano bagingi bitu mu Kihiiza IMIGEZA YE KIFULIIRU. Mu kino kihiiza mumuganulwa bingi. Ne'ngingwe mu kino kihiiza muliri Shokulu umuberangirwa MASIKOSIKO RUSEKE. Uno shokulu anabr aliri mundu kera uwatabaala mu njira nyingi higulu lye'ndeto yiitu ye'Kifuliiru. Kiri ne'kitabo kye'Kifuliiru ikiheruki yandikwa, akatabula mohe ibindu bingi bweneene. Tumuyuvwirize, tuyuvwirize na'bandi bagingi booshi abakagira kwo'badeta ku luno lusiku.

Alexis Mahungiro - Uno aganula higulu lyo'kudeta kwo tumenye imigeeza ye'Kifuliiru kiri tutazi yatirwa - 2022-04-30

(Noir Blanc) Nabulizi - abuuza ngisi kwo mushosi uwahyana ninawage umuto ushuba muka yishe, ngisi kwo abana abashuba balumula wage bagakizi muberangira - 2022-04-29

Pasteur Obed - Tugwase abana bitu batakizi buligo indeto yiitu.

Masikosiko Ruseke - Umugeeza kuli musikama ikyanya gwadetwa mu ndeto yagwo.

Masikosiko Ruseke - Twe'babubusi tuganulire abana bitu i Kifuliiru.

Tuyuvwirize Shokulu Masikosiko Ruseke agweti agaganula hogulu lye'bala mu Kifuliiru na ku Mufuliiru