Lærarkrigen mot Quisling

Okkupasjonsmakta si behandling av lærarane fører til massiv motstand og uro i samfunnet, og blir kjent utanfor Noregs grenser. Lærarmotstanden er i ferd med å øydelegge Quisling sin plan for å få kontroll over skulen. Månader med tvangsarbeid, svolt og sjukdom tærer på lærarane. Vil dei halde ut?

I mars 1942 blir 1100 lærarar over heile Noreg arresterte som svar på motstanden mot Quisling. Dei blir utsett for tortur og svolt for at dei skal gi opp kampen. I midten av april blir 499 lærarar frakta i kuvogner med tog til Trondheim og lasta om bord i eit skip. Kva ventar lærarane no?

Det første ministerpresident Quisling gjer når han tar over makta i februar 1942 er å vedta lova om Norges lærarsamband, som seier at alle lærarar må vere medlem av den nazistiske lærarorganisasjonen. Korleis skal lærarane svare på dette?