Høyr

I september segla Samuel Rostøl og hundrevis av aktivistar mot Gaza for å bryte den israelske sjøblokaden og opprette ein nødhjelpskorridor. Aktivistane vart stoppa i internasjonalt farvatn og arrestert av israelske styrker. I denne episoden fortel Rostøl om seglturen, arrestasjonen og dagane i eit berykta israelsk fengsel i ørkenen.

Då ho forstod at fødselen var i gang starta Sigrid Onsgaard Sagabråten og sambuaren køyreturen mot Ringerike. Ein ambulanse med jordmor måtte køyre dei i møte. Korleis er det å vente barn i ein kommune som ligg mange mil frå sjukehuset, men samstundes ikkje har følgjeteneste?I serien "Når vatnet går" får du høyre ulike fødselshistorier frå kvinner i Hallingdal og Nore og Uvdal. Historier frå heimen, frå legekontoret, frå sjukehuset eller frå ei lomme langs Riksveg 7.

Ambulansen svinga ut av Gol sentrum med blålys og sirener då Maria Sigurdardottir skulle føde sitt andre barn i oktober 2024. Alt då skjønte ho at vegen til sjukehuset kom til å bli for lang. I serien "Når vatnet går" får du høyre ulike fødselshistorier frå kvinner i Hallingdal og Nore og Uvdal. Historier frå heimen, frå legekontoret, frå sjukehuset eller frå ei lomme langs Riksveg 7.

Året er 2024. Med kraftige rier ligg Lena Johanne Mikalsen bak i ambulansen på den 115 kilometer lange turen frå jordmorvakta på Gol til Ringerike sjukehus. Fødselen går fortare enn det bilen kan køyre, og eitt minutt unna sjukehusdørene må ambulansen stoppe i vegkanten.I serien "Når vatnet går" får du høyre ulike fødselshistorier frå kvinner i Hallingdal og Nore og Uvdal. Historier frå heimen, frå legekontoret, frå sjukehuset eller frå ei lomme langs Riksveg 7.

I 2018 fødde Viola Valstad frå Ål sitt tredje barn. Frå ho vakna den natta og til barnet var ute gjekk det ganske nøyaktig éin time. Då er det vanskeleg å rekke fram til fødeavdelinga i tide. Ikkje minst er det godt å ha ei jordmor i nærleiken.I serien "Når vatnet går" får du høyre ulike fødselshistorier frå kvinner i Hallingdal og Nore og Uvdal. Historier frå heimen, frå legekontoret, frå sjukehuset eller frå ei lomme langs Riksveg 7.

22 år gamle Alexander Elias hadde ein tøff tid på barne- og ungdomskulen. På vidaregåande starta han å ruse seg.  - Eg hadde låg puls, var utsliten og øydelagt. Legen sa til mamma at eg ikkje hade levd ei veke til, om eg ikkje hadde fått hjelp, seier Alexander Elias. No har han vore nykter i fire år og kjem til Høyr for å dele sine erfaringar og kordan han ser på utfordringane rundt rusmidler i Hallingdal.

Forfatter og journalist Magnus Lindahl gjester "Høyr" for å fortelje om den nye boka "Okkupert: historier frå 2. verdenskrig i Hallingdal". Her blir det teikna nye bilete av kva krigen var for dei 15.000 hallingane som opplevde krigen.

Brenning og steling av regnbogeflagg har prega pridemarkeringa i Hallingdal. Natt til 1. juli tok nokon seg inn på plena til sokneprest i Ål, Geir Wiknes, som er open homofil. Pride-flagget hans vart stole. Saman med ordførar i Ål Solveig Vestenfor snakkar han om pride. Kvifor treng me det - og kan det bli for mykje?