Gettu hvar

Embla er komin óralangt í burtu frá Íslandi. Hún er stödd í landi með frægu óperuhúsi og kengúrum. Héðan kemur leikarinn Chris Hemsworth og söngkonan Sia. Hvert er landið?

Nú er Embla stödd í landi með sex tímabelti og stærstu strandlengju heims. Hér er vinsælt að spila íshokkí og héðan koma söngvararnir Shawn Mendes og Justin Bieber. Hvert er landið?

Embla er stödd í landi sem hefur vestasta punkt meginlands Evrópu. Landið hefur sigrað Eurovision einu sinni og héðan kemur einn frægasti knattspyrnumaður heims. Hvert er landið?

Nú er Embla stödd í landi sem er í Evrópu en ekki lengur í Evrópusambandinu. Héðan kemur tónlistarfólk eins og Ed Sheeran, Adele og Sam Smith. Héðan kemur líka knattspyrnufólkið Leah Williamson og Harry Kane. Hvert er landið?

Landið sem Embla er stödd í núna er heimaland Múmínálfanna, gufubaðsins og Ittala vörumerkisins. Í landinu er staður sem er af mörgum talinn heimili jólasveinsins. Hvert er landið?

Nú er Embla stödd í landi sem hefur marga firði og eyjur. Sögur eins og Dýrin í Hálsaskógi og Kardemommubærinn koma frá landinu og líka fótboltamaðurinn Erling Haaland. En hvert er landið?

Embla er lengra í burtu en í fyrri þáttum. Nú er hún komin til Asíu! Í landinu sem hún er stödd í eru mörg kirsuberjatré og mjög góður matur. Hér urðu til karaoke, emoji og persónurnar Hello Kitty og Pokémon. Hvert er landið?

Embla er stödd í vinsælasta landi heims meðal ferðamanna. Hér er borg ljósanna, frægur turn og dýr sem er ekki borðað hvar sem er í heiminum. Hvert er landið?