Dýr

Í þessum fyrsta þætti fræðumst við um líffræðilegu hliðar fuglasöngs. Við pælum í þróun fuglasöngs, raddböndum og þeim upplýsingum sem líffræðileg tónlist hefur að geyma. Eigum við manneskjur mögulega eitthvað sameiginlegt með fuglum þegar kemur að samskiptum?Umsjón: Hlynur Steinsson.Ritstjórn og samsetning: Gígja Hólmgeirsdóttir.Tæknimaður: Lydía GrétarsdóttirFramleitt: 2024

Er menning algjörlega mannlegt fyrirbæri eða hafa fuglar líka einhver menningareinkenni? Við veltum fyrir okkur menningareinkennum meðal fugla í gegnum þróun söngs, tónlistarsmekk og hreiðurgerð og fjöllum um menningarnám og jafnrétti kynjanna – allt út frá sjónarhorni fugla.Umsjón: Hlynur Steinsson.Ritstjórn og samsetning: Gígja Hólmgeirsdóttir.Tæknimaður: Lydía GrétarsdóttirFramleitt: 2024

Fjallað er um sauðfé og fólk sem spáir líklega meira í kindur en þær í því. Við förum í fjárhús og kynnumst einstökum kindum, fólki og fræðunum sem þeim tengjast.Viðmælendur eru:Eyjólfur Kristinn Örnólfsson, Hafdís Sturlaugsdóttir, Heiða Guðný Ásgeirsdóttir, Ingibjörg Elín Traustadóttir, Karólína Elísabetardóttir, Kristjana Maj Hjaltadóttir, Marinó Helgi Sigurðsson, Matthías Sævar Lýðsson, Ólafur Magnússon, Rebecca Cathrine Kaad Ostenfeld, Bryndís Marteinsdóttir og Jóhanna Kristjánsdóttir.Tónlistin er eftir Magnús Jóhann og Skúla Sverrisson.Um hljóðmynd sjá kindurnar á Geirastöðum í Syðridal við Bolungarvík.Tæknimaður: Lydía Grétarsdóttir.Umsjón: Halla Ólafsdóttir.Framleitt 2022

Hreindýr hafa lifað á Íslandi frá því þau voru flutt inn í lok átjándu aldar. Síðan þá hafa þau aðlagast íslenskri náttúru og þykja nú órjúfanlegur hluti af hinni villtu náttúru Austurlands. Í þættinum er fjallað um sögu hreindýranna, kafað er ofan í samband manna og hreindýra, farið í heimsókn í hreindýragarð og slegið á þráðinn til hreindýraveiðimanna.Viðmælendur: Skarphéðinn G. Þórisson, Unnur Birna Karlsdóttir, Björn Magnússon, Ásdís Sigríður Björnsdóttir, Fannar Magnússon, Sævar Guðjónsson og Kristín Lilja Eyglóardóttir.Tónlistin er eftir Magnús Jóhann og Skúla Sverrisson.Umsjón: Gígja Hólmgeirsdóttir.Framleitt 2023

Fjallað verður um fugla með fólki sem veltir þeim fyrir sér. Við gefum þessum fiðruðu furðum gaum og lítum til himins ásamt fuglafræðingum og fuglaunnendum á öllum aldri.Tónlistin í þættinum er eftir íslenska varpfugla og Kristínu Þóru Haraldsdóttur.Umsjón: Halla Ólafsdóttir. Tæknimaður: Jón Þór Helgason.Framleitt 2021

Hvalir, þessar dularfullu skepnur sem búa allt í kringum landið - í hyldýpinu sem er okkur mannfólkinu utan seilingar. Við skoðum hvali, fræðumst um þá, leyfum okkur að undrast og verða fyrir hughrifum. Umsjón: Halla Ólafsdóttir.Viðmælendur í þættinum eru: Edda Elísabet Magnúsdóttir, Einar Pétur Jónsson,Erla Sverrisdóttir, Hermann Þór Ólafsson, Jonathan Rempel, Marie-Thérèse Mrusczok, Megan Whittaker, Ragna Brekkan, Ríkey Magnúsdóttir Ringsted, Sigurður Einarsson Mäntylä, Svava Þorsteinsdóttir, Vilhjálmur G. Petersen.Tónlistin er eftir Berg Þórisson og Pétur Jónsson sem skipa dúettinn Huga.Framleitt 2024