លោកអ្នកនាងជាទីមេត្រី! យោធាខ្មែរ៤នាក់រងរបួសព្រោះការផ្ទុះគ្រាប់បែកដែលរកមុខជនបង្កមិនទាន់ឃើញ ខណៈដែលនៅកន្លែងកើតហេតុក៏មានវត្តមានយោធាថៃនៅទីនោះដែរ។
សូមលោកអ្នកនាងស្ដាប់កម្មវិធីផតខាសធ៍ (Podcast) ចង្រិតទួញរបស់វិទ្យុអាស៊ីសេរីភាគទី១០។ លោក សំ ប៉ូលី និង លោក ប្រាជ្ញ ចេវ បានជជែកករណីលោក ហ៊ុន សែន ប្រាប់ឱ្យមន្ត្រីរបស់លោកឱ្យបម្រើរាស្ត្រ ខណៈការបោះឆ្នោតខិតជិតចូលមកដល់ និងបទសម្ភាសន៍ជាមួយស្ថាបនិកអង្គការចលនាមាតាធម្មជាតិ លោកអាឡិចហាន់ដ្រូ ហ្គន់សាឡេស ដេវីដសុន (Alejandro Gonzalez-Davidson) ដែលកំពុងស្វះស្វែងសុំឱ្យសហគមន៍អន្តរជាតិធ្វើអន្តរាគមន៍ទៅរដ្ឋាភិបាលត្រកូល ហ៊ុន ឱ្យដោះលែងសកម្មជនបរិស្ថានទាំង៥នាក់ និងអ្នកទោសមនសិការផ្សេងឱ្យមានសេរីភាពឡើងវិញ។ លោក អាឡិចបន្តថា របបផ្ដាច់ការតែងតែប្រើយុទ្ធសាស្ត្រ«ងើបមួយវ៉ៃមួយ»ព្រោះគេមិនអាចបង្ក្រាបឬវ៉ៃពលរដ្ឋរាប់ម៉ឺននាក់ដែលងើបតវ៉ាប្រឆាំងរបបនេះ៕
","author_name":"RFA"}