Om ei drøy veke startar budsjettforhandlingane på Stortinget. Noreg er på etterskot med klimatiltak for å innfri avtalen med EU. Kva må partia levere på klima, og kan kvotekjøp løyse problemet?
Det er hovudtemaet i episoden av Klimax denne veka, der desse personane bidreg:
Panelet diskuterer det veksande utsleppsgapet og kva SV og MDG bør prioritere i forhandlingane for at gapet skal krympe. Dei ser òg på jordbruket, der det nesten ikkje er planlagt nye utsleppskutt. Utgangspunktet for samtalen er årets tredje Tilnull kvartalsrapport, som Norsk klimastiftelse gav ut denne veka.
Klimax-panelet er i tillegg innom isbresmelting, kvartalsrapportane til Equinor og Aker Solutions og det Frp omtalar som «grøn sløsing». Finansdepartementet har rekna ut kor mykje staten brukte på batteri, hydrogen, havvind og CO₂-handtering i perioden 2018–2025, og i denne episoden får du svaret. Til slutt ser panelet på den siste utviklinga i datasenterdebatten.
Som alltid blir vekas klimax og antiklimax kåra.
","author_name":"Energi og Klima"}