{"version":"1.0","type":"rich","provider_name":"Acast","provider_url":"https://acast.com","height":250,"width":700,"html":"<iframe src=\"https://embed.acast.com/$/61536dc5b0e21300122c1fdd/6a982acebe98057961834533?\" frameBorder=\"0\" width=\"700\" height=\"250\"></iframe>","title":"#224 - Fadri Barandun, de Swiss-Epic-Sieger, und zwei Weltrekord z Züri","description":"<p>De Andri macht de CH3000 i de Bärge, drum sitzt en würdige Ersatz im Studio: <strong>Fadri Barandun</strong>, Mountainbiker, letschtmal z Gast i Folge 66, und sit chuum ere Wuche Gwünner vom Swiss Epic. Er erklärt eus s Format, s Fünf-Tages-Etappe-Rennä im Zweierteam, und wie er mit em Andrin für s Team La Punt scho uf de erschte Etappe en Vorsprung vo 4:25 usegfahre hät. Local Knowledge uf de Abfahrte, vier Täg im gelbe Trikot, Zwüschezite vo de Familie am Streckerand statt Funk im Ohr, en verchüelte Teamkolleg am letschte Tag und am Schluss 1:33 Vorsprung. Dezue de Blick zrugg uf 2024, wo's ganz knapp danäbe gsi isch, und de Blick voruse uf d Marathon-WM am 12. September i Italie.</p><p><br></p><p>Wiiteri Themen:</p><p><br></p><ul><li><strong>Mountainbike-WM</strong>: Sina Frei mit Gold im Cross Country und Bronze im Short Track, Nicole Koller mit Bronze, obwohl ihres Team im Auguscht Insolvenz aagmeldet hät. Drus wird d Frag, öb de Mountainbike-Sport i de Krise staht. Fadris Iischätzig: Corona-Boom und Nachwehe, de Gravel-Boom, wo Marketinggäld abzieht, und immer höcheri Hürde für chlini Teams am Weltcup.</li><li><strong>Vuelta</strong>: De Pogačar stürzt uf de 8. Etappe use, Halswirbelfraktur und Hirnerschütterig, WM-Start offe. En Stei uf de Strass macht, was 200 Profis nöd hingchriegt hend. Derfür isch s Gsamtklassemänt wieder offe: Enric Mas füehrt vor Roglič und Felix Gall.</li><li><strong>Weltklasse Züri</strong>: Zwei Weltrekord a einem Abig, de erschti sit 17 Jahr im Letzigrund. Und d Audrey Werro gwünnt d 800 Meter i 1:53.70 und louft as erschti Frau überhaupt s dritte Mal under 1:54. Mit 22. Dezue Angelica Moser als Zweiti. De Weltrekord vo 1983 haltet nöd me lang.</li><li><strong>Ruder-WM Amsterdam</strong>: Salomé Ullrich und Fabienne Schweizer hollid Bronze im Doppelzweier, d erschti WM-Medaille überhaupt für es Schwiizer Fraue-Mannschaftsboot. Dezue Bronze für Claire Ghiringhelli im Para-Einer. Zwei Medaille us nün Boot, und es paar undankbari vierti Plätz. Voll ine hät ei Medaille prognostiziert, also gern falsch gläge.</li></ul><p><br></p><p>Zum Schluss no de Usblick uf d Ultimate Championships, s neu kondensierti Leichtathletik-Format us Amerika, und d Frag, öb de Fadri irgendwänn mal mit eus i es Ruderboot stiigt. Sofern er dinne bliibt. Darum, wie immer, VOLL INE lose!</p>","author_name":"Andri Struzina & Oscar Sarmiento"}