{"version":"1.0","type":"rich","provider_name":"Acast","provider_url":"https://acast.com","height":250,"width":700,"html":"<iframe src=\"https://embed.acast.com/$/61536dc5b0e21300122c1fdd/6a8eaf9ed477524f4700e4ca?\" frameBorder=\"0\" width=\"700\" height=\"250\"></iframe>","title":"#223 - Juan Ayoli, Weltklasse-Schwiz und Pferdelasagne","description":"<p>DISCLAIMER: Die aktuelli Folg hett bitzli Echo ufgrund vo de Ufnahme Situation. Sorry für das aber mier hoffed ier hend trotzdem Spass bim Lose!</p><p><br></p><p>De Osci isch us Mallorca zuegschalte, de Andri sitzt ih de letzte Praktikumswuche z'Göschene. Zum Ihstig d'wichtigsti Frag vo de Wuche: Welle Velo-Spitzname würsch du dier geh? Juan Ayoli, Tadej Foccacia, Matthias Stillose, Marc Fürsi und Alberto Contadu sind scho vergäh, alles Wiitere gern i d'Kommentär. Dezue de Bericht vo de 50er-Rundi, wo de Oscar mit em Citybike im Windschatte vo zwei Rennvelo klebt hät. Und d Nachlese zum Strava-Take, wo eus so vill Rückmeldige brocht hät wie kein Take vorher: Mir sind chli einsiitig gsi, d Wahrheit liit irgendwo i de Mitti.</p><p>Denn zum Sport:</p><p><br></p><ul><li><strong>Ruder-WM Amsterdam</strong>, Tag 1 uf de Bosbaan mit Gegewind und sehr ungliche Bahne. Brunner/Plock über d Ziit wiiter, de Doppelzweier vo de Salomé und d'Fabienne ändli mit schnällem Start und über Rang 2 qualifiziert, d Olivia und d Sofia im C-Final. De Andri wagt e Prognos: ei Medaille, am ehschte de Fraue-Doppelvierer.</li><li><strong>Weltklasse Züri</strong> am Donnstig. 800 Meter Fraue mit Werro, Hodgkinson, Bol und Odira. Fallt de ältischti Weltrekord vo de Leichtathletik? Plus Warholm gege dos Santos, Moser gege Moon und Kennedy, Ehammer und Kambundji.</li><li><strong>Isch de Schwiizer Sport würkli so erfolgriich wie nie?</strong> Usghänkt am Tagesgspröch mit em Swiss-Olympic-Chef Roger Schnegg, inklusive de Frag, i welne Sportarte d Weltspitz überhaupt breit isch.</li><li><strong>Vuelta</strong>: Pogačar gwünnt s'Zitfahre z'Monaco, aber d'Gschicht ghört em Josh Tarling, wo 10 Täg nach em Tod vo sim 19-jährige Brüeder Finlay als Dritte a de Spitze mitfahrt. De Küng wird Zwölfte und schielt uf die 18. Etappe.</li><li><strong>Steve Guerdat</strong> isch mit Dynamix de Belheme Weltmeischter und de erschti Springriiter mit Olympiagold, EM- und WM-Titel. Historisch, und trotzdem hät's chuum en Sau intressiert. Drus wird e freii Diskussion über Riitsport, Millione-Rösser, klonti Polo-Pferd und d'Grenze bi Höchschtleischtig mit em Tier. #FreeDynamix.</li></ul><p><br></p><p>Usblick: Ruder-WM bis Sunntig, Vuelta lauft, Mountainbike-WM mit de Alessandra Keller, Fussball isch zrugg, Eishockey i de Vorbereitig. S Sommerloch isch verbii.</p><p>Darum: Bliibed gsund, machid vill Sport, und ässed kei Pferd.</p>","author_name":"Andri Struzina & Oscar Sarmiento"}