Af stað

Sigurlaugur Ingólfsson, sagn- og fornleifafræðingur, segir frá jörðinni Svínanesi á sunnanverðum Vestfjörðum. Jörðin er komin í eyði en þar bjuggu forfeður hans áður, kynslóð fram af kynslóð.  

Urður Snædal, þýðandi og prófarkarlesari, segir frá minningum sínum úr Möðrudal á Fjöllum. Þar dvaldist hún ótalmörg sumur frá því hún var barn og foreldrar hennar ráku vegasjoppuna Fjallakaffi.  

Magnús B. Jónsson, fyrrverandi sveitarstjóri á Skagaströnd, segir frá Spákonufelli sem er einn af hans eftirlætisstöðum og hefur mikið gildi fyrir alla Skagstrendinga.  

Kristinn Schram, dósent í þjóðfræði við Háskóla Íslands, segir frá Laugaveginum í Reykjavík og hvernig sú gata hefur verið miðpunkturinn í lífi hans og fjölskyldunnar í gegnum áratugina.  

Þorbjörg Sandholt skólastjóri á Djúpavogi, Obba eins og hún er alltaf kölluð, hugleiðir um sinn eftirlætisstað og spyr sig hvað gerir staði að uppáhaldi. Hún segir sérstaklega frá garðinum við hús ömmu sinnar í Grænuhlíð.  

Bylgja Baldursdóttir, skólastjóri í Sandgerðisskóla, segir frá tengslum sínum við Bæjarskersfjöruna í heimabæ sínum Sandgerði. Þar hefur hún átt margar góðar stundir og iðkar þar sjósund af kappi.  

Áskell Heiðar Ásgeirsson, lektor við ferðamáladeild Háskólans á Hólum, segir frá stað í grennd við heimaslóðir hans á Borgarfirði eystri, sem heimafólk kallar Víkur en er einnig þekktur sem Víknaslóðir.  

Íris Róbertsdóttir, bæjarstjóri í Vestmannaeyjum segir frá Herjólfsdal. Þaðan á hún margar góðar minningar úr bernsku og ekki síst frá Þjóðhátíð.